الحلقة (61) من يوميات سوكا فى بلاط صفيحة الزبالة

مصطفى ينظر الى سوكا بدون اى تعبير للحظات ، ثم يتكلم بهدوء : بتقول ايه ؟؟؟؟

سوكا وقد اهتز صوته ويتكلم فى تردد : بقول لك ،،،، انت ارهابى ؟؟؟

مصطفى ينظر لسوكا للحظات فتنساب دموعه غصبا عنه : الظاهر كده يا سوكا ،،، ما انت عارفنى من زمان ،،، وعايش معايا ،،، هتتبلى عليا ليه بقى ؟؟؟ انت اكيد صح

سوكا يتجمد فى مكانه : لا يا مستفى ،،، انت ما ينفعش تعيت ،،،، انت عمرك ما عيت مصطفى وهو يمسح دموعه : قدامك ،،،،،،،،،،،،، عمرى ما عيطت قدامك

سوكا يبدأ فى التأثر : ما هو لو انت ارهابى يا مستفى ،،،، لو انت ارهابى ،،،يبقى ،،،،يبقى ،،،، الإرهاب ده حاجة حلوة قوى مصطفى : بس الإرهاب اللى هم بيتكلموا عليه .... حاجة مش حلوة

سوكا : يبقى انت والله ما انت ارهابى

مصطفى : أمال بتسال ليه بقى ؟؟؟

سوكا : عشان ناس كتير بتقول كده ،،،، انا عاوز اسدق زيهم ،،،، واستريح ،،، بس ما بقتش عارف

مصطفى كاتما دموعه : بس انت صدقتهم فعلا ،،،، صدقت لميس اللى قالت عليك قبل كده خاين ،، وصدقت الحاج مغاوري اللى سرق دكانة أبوك وطرده منها لما كان فى الحزب الوطنى ،، صدقت العقيد ادهم المراكبى اللى كان بيعلقك لما حاجة تتسرق فى الجمالية حتى لو انت ما كُنْتش تعرف عنها حاجة ، صدقت الشيخ القحطبانى اللى طردك م الجامع المرة الوحيدة اللى انت دخلت فيها وانت صغير عشان كنت لابس شورت ،، ومن يومها ما دخلتش الجامع تانى ،،، الله اعلم لو كان كلمك كويس كان زمانك ايه دلوقتى

سوكا بهزل : انت فاكر اليوم ده ازاى ؟؟؟ انا مش فاكر

مصطفى : لا ،،،انت فاكر ،،، عشان كده لما بتحس انك محتاج ربنا ،، بتقف تسمع الادان من بره ،،، وتخاف تدخل جوه

سوكا وقد بدا صوته يتحشرج : ما تتغتش على اعساب ميتين امى يا مستفى ، انا مش ناقصك

مصطفى محتدا : لا لازم افكرك بالناس اللى انت صدقتهم ،،، وخلوك تبيعنى وتكرهنى وتاذينى ،،،،، انت شفت منى ايه وحش يا اخى ؟؟ شفت منى ايه وحش ؟؟؟

سوكا صارخا فى انهيار وسط دموعه : وانت عمرك ما اتكلمت ليه ؟؟؟ سبتنا ليهم ليه ؟؟؟ ما قعدتش القعدة دى معايا من زمان ليه ؟؟؟ ما انت شايفهم وسامعهم بيقولوا عليك ايه ،، وعمال تبس وتمسمس ، وساكت ،،، ساكت ليه ؟؟؟ اكيد مش لاقى حاجة تقولها يا مستفى ،،، اكيد مش لاقى حاجة تقولها

مصطفى : انا فاكرك عايش معايا العمر ده كله ،،، ومش محتاج انى أعرفك انا مين

سوكا وسط البكاء : احاااااااااااااااا ، مين يقول كده ؟؟؟ هو انت فاكرنا ايه ؟؟؟؟ ، انا واحد مخى على أدى ، ما بسمعش غير لدول ،،،، ولاد وسخة اه ،،، بس ما سمعتش غير ليهم

مصطفى ينظر لأسفل : لو عارفنى صح ، مش هتصدق ناس ولاد ،،،، اللى انت بتقوله ده

سوكا يهز كتف مصطفى بعنف : تب خد دى بقى يا مستفى ،،،،، مجاهد اللى معاك فى الاخوان ،،، واللى عايش معاك عمره كله ،،، هو اللى باعك يا مستفى ،، هو اللى مبلغ عنك ،،، إزى الحال بقى ؟؟؟؟ ما تلعتش عارفه ولا حاجة اهو يا مستفى ،،

مصطفى يهتز حتى كاد ينكفا فيسنده

سوكا : الكلام ده كذب ،،، مجاهد ما يعملش كده

سوكا : اهو عمل ،،،، قبلها بيومين عمل فيها مسافر ،، وكان بيسلمهم الشرايت بتاعتك فى أمن الدولة ،،، انت عارف انى واسل ،،، وسهل عليا قوى اعرف الحاجات دى

مصطفى يخرج الموبايل فى عصبية ويتصل برقم ،،،، سوكا ينزع الموبايل من يده بعنف

سوكا بهدوء : مفيش داعى ،،، مجاهد محبوس زيك ، ولسه ما تلعش ، ولا حاجة

مصطفى : مش فاهمك يا سوكا

سوكا : انا بس كان نفسى أعلمك حاجة ،،لأول مرة ف حياتى يا مستفى ،،،،،،،،،، ادينى شككتك ف ساحبك عشرة عمرك فى دقيقتين ، هو لا باعك ولا أتنيل ، شفت بقى هم قعدوا سنتين يعملوا فينا ايه وانت ساكت ،، ما بتردش ؟؟؟؟

مصطفى : بس انا كنت لسه هتاكد منه ،، وأكيد كان هيفهمنى

سوكا يهز مصطفى فى عنف : بس انت بقى ما فهمتناش

الشيخ القحطبانى يمر فيجد سوكا يهز مصطفى من كتفه بعنف فيظن الموقف شجار

القحطبانى : بارك الله لك يا سوكا يا ولدى ،، أغلظ على تجار الدين

سوكا : ياللا يا بن الشرمو*ة من هنا ،،،،، الشيخ برهامى عاوزك تروح عشان هو مش قادر يسد لوحده ،،، وتي#@#ه اتهرت ،،، تبقى تاخد له معاك حد م الحريم بتاعك يشيل عنكم شوية ،، حكنا للوراك ، :يا ولاد ،،،

مصطفى يكتم فم سوكا وهو يحاول كتم ضحكته : يا عم ما يصحش كده ،،،

سوكا ينظر الى مصطفى بنظرة قرف : هو انت يا مستفى لما سدقت ان مجاهد هو اللى شقلتك ، كنت هتكلمه ع الموبايل تعاتبه ؟؟؟؟ مصطفى : بصراحة كنت عاوز اعرف عمل كده ليه سوكا : (لفظ قبيح) من 3 حروف

الى اللقاء فى الحلقات القادمة 

خالد السرتي