سوكا جالس فى سيارة الرياسة فى انتظار عنتر الذى تأخر عن موعده عربة ميكروباس تقف على الرصيف المقابل وينزل منها المعلم منجى ( بتاع برهامى لتكونوا نسيتوه )
سوكا : منور يا عمنا ،، ايه اللى جابك هنا ؟؟؟ ،،، ده انا مستنى المعلم عنتر من ساعة
منجى : لا ما هو معايا فى الميكروباز ورا
سوكا : طب يا عم بقى ده اسمه كلام ؟؟؟؟ ده انا كنت عاوزه ف مسلحه ، ومشدد عليه ييجى قبل الفجر
منجى : اعذرنى يا معلم سوكا ،،، اصل جاله مشوار مستعجل ضرورى ولسه جايين من هناك اهو
سوكا : ايه ؟؟ فى إسكندرية ؟؟؟ منجى : لاااا ،،،ده جنبكم هنا فى المطار ، ياللا احنا نلحق مشوارنا
سوكا : استبر بس ،،، ايه حوار المتار ده ؟؟؟
منجى : مش عارف يا سوكا بالظبط ، بس اصل كان فى واحد طالع ع الفوسبوك شاكله ولا مؤاخذة شمال ،، ومش عارف قال كلمتين كده ،،عن مصر وأمريكا ،،، ما تعرف ابصر ايه ده جواز ،، مش لا مؤاخذة واحد هيشقطنى ليلة ويسيبنى ،،، وكلام كده انا ما فهمتوش ، بس عنتر سمعه من هنا ، والنار ءادت فى جتته من هنا ،، الا حتما ولازماً ...نروح مصر دلوقتى ،،ونقابل الرجل ده وهو راجع ،،،،،أصلهم قالوا انه راجع ع الفجر
سوكا : فخدته بقى وجيت
منجى : معلوم يا عمنا ،، حاكم عنتر فى الظروف دى بيبقى مش ف وعيه وممكن يلطش فى اى حد ،والحتة كلها عندنا بيبقى فيها قلق ،،،،ولاد الحلال عندنا ف الحتة قالولى خده يا عم منجى احنا عاوزين ننام ،،، ورانا شغل بكره ،،،،،،،،، مع انى قلتله يمكن يا عم تكون فهمت غلط
سوكا : لا فهم سح ،،، المهم يعنى اتوفقتوا ؟؟؟
منجى : لا يا سيدى الطيارة اتاخرت وقال لك لازم يا عم تكون واخد معاد. ، فقلت له نلحق معادنا بقى مع الريس سوكا ،، واهو من ساعتها قاعد ميكتيءب اهو
سوكا : لا يا عم وانا ما يردينيش انه ييجى لحد عندنا ونرجعه مكسور الخاتر ، روح ناديه وتعالى ، مش بتقول التيارة هتتاخر ؟؟ يبقى هتلحقوها بدون مقاتعة
سوكا يقود السيارة وجانبه منجى وفى الخلف يجلس عنتر
سوكا : الا قولى لى يا ريس منجى ،،، هو عنتر بيتفاهم معاكم ازاى ؟؟؟
منجى : فى ايه يا عم سوكا ؟؟؟؟ بيتفاهم معانا بالكلام طبعا
سوكا : يعنى هو دلوقتى سامعنى ؟؟؟
منجى : لا يا عمنا ،،، اصل طول ما عنتر مركز ، لا بيتكلم ولا بيسمع ،،، شوية إشارات كده ، احنا بس اللى نفهمها ،،، لكن لما بقى بيهدى ،،، بيقعد بتكلم معانا ويهذر وكده ،،،، ده اصلا بيضرب ع العود ،،، حساس يعنى لا مؤاخذة ،،، بس ابعد عنه وهو مركز سوكا : انا يا بن عمى هبعد عنه خالس
منجى : اسلم برضه فجأة موبايل سوكا يضرب
سوكا : ايوه صوت نساءى : وير إز زات يو سوكا ؟؟؟؟؟ يو دونت كامنج انتيريست ؟؟؟
سوكا : تب اقفلى دلوقتى يا اما ورايا مسلحه وهكلمك
ام سوكا : مصلحة ايه يا بن الدايخة ؟؟؟ انت مش سيادة المشير كلمك ، انا واقفة لوحدى عند....
سوكا مقاطعا : يا امه اقفلى بقى ما تبقيش بنت وثخة رغاية ،،، انا هبقى أكلمك ،،،،،،، ،ويغلق الخط فى وجهها المعلم
منجى : هناخرك بس احنا كده يا سوكا عن مصلحتك اللى كنت عاوزانا فيها
سوكا : المسلحة واحدة يا عمنا سوكا يصل الى المطار ويدخل ومعه منجى وعنتر عنتر يجذب سوكا من كتفه ويزمجر : نييعععااااوو ،،عععععععااااا وهو يشير بيده فى الهواء بحركات غريبة سوكا يلتصق فى منجى : فى ايه يا عمنا ؟؟؟ هو هيغدر والا ايه ؟؟ يعنى ده جزاتى ؟؟؟ هو اخرة خدمة الغز ...
منجى مقاطعا : لا يا عم سوكا انت فاهم غلط ،،، ده بيسال هو هيعرف يقابل الرجل من غير معاد وهو لسه نازل من الطيارة ،ويا ريت ما يكونش العدد كبير عشان يعرف يركز ؟؟؟
سوكا مندهشا : كل ده ؟؟؟ لا قوله انا هخليه ينفرد بيه فى سالة كبار الزوار سوكا يستخدم نفوذه ويدخل عنتر معاه صالة كبار الزوار
سوكا محدثا شخصية هامة : انا متكلف من السيد عدلى منصور سخصيا بمقابلة الوزير
الشخصية الهامة : عدلى منصور مين يا أستاذ سوكا
سوكا : الترتور يا عم
الشخصية : طبعا جنابه ويؤمر وبمجرد دخول نبيل فهمى الى صالة كبار الزوار ،، اصطحب سوكا الجميع للخارج تاركا عنتر مع نبيل فهمى وبعد ربع ساعة يخرج نبيل فهمى فى حالة اعياء شديد ،،،
سوكا : وادح حضرتك انك تعبت قوى اليومين اللى فاتوا
نبيل : بس تعبت اكتر الدقيقتين اللى فاتوا .... ما بيتكلمش خالص ابن الوسخة
الى اللقاء فى الحلقات القادمة
خالد السرتي
ليست هناك تعليقات :
إرسال تعليق