مصطفى ينظر الى سوكا ، ولا يرد عليه ،،، ويدخل الى الجامع
مصطفى يخرج من الجامع بعد انتهاء الصلاة و يجد سوكا فى 
انتظاره ، وهو يخبىء وجهه بين يديه وشكله بيقول دعا
مصطفى : حرما ياسيد ،، ما شاء الله ،،،، انا بصراحة فرحان قوى ، ومتفاجىء
سوكا :جمعا يا عمنا ،،،،،،، الا الفجر ده يا عم مستفى ،،، تول عمرى لما اتخنق مايريحنيش غير الفجر
مصطفى : ياما قلتلك ،،،، بس انا مش بشوفك خالص وانت بتصلى جوه
سوكا : لا ما انا مش بسلى ،،، انا باجى اسمع الادان بس ،،، بحس انى اتغسلت من جوه يا جدع ،،،،
مصطفى ينظر فى دهشه : بتسمع الادان ؟؟؟؟ ....... حرما يا سيد سوكا وعلى وجهه إمارات الراحة النفسية : جمعا يا مستفى ، ماهى الدنيا برده مش كلها سكر وعربده ونسوان ،، انا مش عاوز احس انى بعيد يا عم ،،، ما حدش دامن عمره
مصطفى : انت بتستعبط ياله ،، انت واقف بره الجامع ، وفاكر نفسك بقيت من الابرار
سوكا : ايه ياعم فى ايه ؟؟؟ الدين يسر يا عم
مصطفى : ماشى يا اخى يسر ، مالقناش حاجة ،، هو انت لو كنت دخلت تصلى معايا كان هيبقى عسر ؟؟؟
سوكا : ما انت بقى كنت هتقعد تعقد الدنيا ، وتقول لى لازم تتودى ،،، وتتيمم وكده يعنى
مصطفى : هو انت كنت عاوز تصلى من غير وضوء ؟؟؟
سوكا : والله انتم اللى هتتفشوا الناس م الدين ، بالعقد بتاعتكم دى
مصطفى يقترب من سوكا ويضع يده على كتفه فى شفقة : هو انت ما صليتش قبل كده خالص يا سيد ؟؟؟
سوكا : ايه يا عم فى ايه ؟؟؟ نزل أيدك انت هتغتسبنى والا ايه
مصطفى ساخرا : أعوذ بالله ، ايه الألفاظ دى ؟؟ ده انت لسه مخلص صلاة الادان
سوكا يقهقه ضاحكا : هههههه يخرب بيت امك يا سافى ،، ده انت واد فقر ،،، ما انت اهو ياعم بتدحك وتفرفش ، أمال ليه السمعة اللى تالعة عليك انك عيل اتم وبيدان ؟؟؟ ،،، ما تاخذنيش
مصطفى : يا عم سمعه من ناس وحشة ،،، زعلانين قوى انى عارف دينى كويس ،،،،،،ان شاء الله يعنى ،،،،،،،،،،، لكن انا أحب الضحك والفرفشة طبعا
سوكا : تب والله انت ابن حلال ، انا لسه معايا تمناية كنت هشربها بكرة فى المكتب ، ننفخها مع بعد دلوقتى ..
مصطفى فى ذهول : حشيش ؟؟؟؟!!!!!
سوكا : واكلم لك البت انشراح ، نعدى عليها كمان بالمرة لو مش بايتة مع حد ،، ادينا والحمد لله مسليين الفجر وما ورناش اى حاجة
مصطفى : يا سيد ، أكيد انت عارف انى لا هشرب حشيش ، ولا هروح لانشراح ،، ربنا يهديها ، البت دى ادهولت كده من امتى ؟؟؟ سوكا : مش فاهم قسدك ،، بس هى مشيت فى تريك الرزيلة ، منذ نعومة ازافرها ،، البت كانت مسقطة عيل وهى فى تانية اعدادى
مصطفى : ايه يا عم العك ده كله ؟؟؟؟ الله يقرفك ،،،،، انت عاوز ايه يا عم سيد ؟
سوكا : اول حاجة مش عاوزك تقول لى سيد تانى ،،، بناقص يا عم السوءددات بتاعتك
مصطفى : يعنى انت جاى لى عشان تقول لى ما تقوليش يا سيد ؟؟؟؟ طب يا عم ،،، فى حاجة تانية يا سوكا ؟؟؟
سوكا : يا عم انت مالك ناشف قوى ليه ؟؟ وكتاب الله ما عارف أكلمك ،،، سبنى اركز عشان نخلس فى الليلة الخرة دى ،،،، مصطفى : سوكا ،،، انا ورايا شغل فى المستشفى ،،، قول عاوز ايه وخلسنى
سوكا : انا عاوز أسالك سؤال ، بس ترد عليا بسراحة
مصطفى : ماشى يا سوكا
سوكا : طب احلف برحمة أبوك انك هتجاوبنى بصدك
مصطفى : يا سوكا انا ابويا عايش وانت بتشوفه كل يوم ،،، وكمان ما حدش يحلف غير بالله ،
سوكا : تب احلف
مصطفى يقسم بالله انه هيجاوب بصراحة
سوكا : هو انت يا مستفى شايفنى إنسان وحش ؟؟؟ انت حالف ، أوعى تكذب
مصطفى يفقد أعصابه فى لحظة : وحش ؟؟؟؟ ده انت ابن ميتين كلب ،،،،،الله يخيبك يا سوكا ،، وقعتنى فى الغلط ،،، استغفر الله ،،، سامحنى يا سوكا
سوكا متأثرا بشده : واسامحك على ايه يا عم ؟؟؟؟؟،،،،، ماهى دى الحقيقة
الى اللقاء فى الحلقة القادمة
خالد السرتي
ليست هناك تعليقات :
إرسال تعليق