سوكا ينظر لامه طويلا : هو انت كده يا امه مبسوتة ؟؟؟؟
ام سوكا : الحمد لله يا بنى ،، هنتبطر ع النعمة ،؟؟؟ زات اذ نوط جود ،
سوكا : يعنى انا كده بتبتر ع النعمة ؟؟؟ تخيللى فعلا انت كده بتتكلمى سح ،،، يعنى معقول بعد ما ربنا يفتحها عليا ، أرفس النعمة برجلى ؟؟ ده انا أبقى ابن وثخة فعلا
ام سوكا تلطشه بالقفا : ما تبطل بقى يا بن الطور ، سلختنى شتيمة م الصبح يا جزمة انت
سوكا : أبدا يا امه دى محبة ،، ده انا مش عارف أشكرك ازاى ؟؟ ده انا كنت هميل بختى بايدى
ام سوكا : انى تايم ،،،،،، سانك يو سوكا ، وير ديد يو أر جو ؟؟؟؟ اقصد يا بنى هتخفى فين الساعة دى ؟؟
سوكا : هروح فين يعنى ؟؟؟، هشوف الوله شحتة ، ويمكن نشرب لنا حتة حشيش واروح
ام سوكا : طب بص بقى يا سوكا ، ربنا عشان يبارك لك لازم تراضى ابوك ، ده انت عايش برضاه ، ما تنساش تجيب له معاك حتة حشيش عشان يدعيلك
سوكا : تول عمرك يا امه ساحبة واجب ،، تب انترى بقى يا امه لحسن قربت اتبدن منك
ام سوكا : جود ويشيز مستر سوكا
سوكا يتحرك بالعربة ويتكلم فى الموبايل : ازيك يا له يا شحتة ،،، لا النهاردة ماليش نفس ،، تبقى تعدى تمناية على ابويا وتقوله سوكا باعتها لك ،، خليه يدعي لنا دعوتين حلوين ، يمكن يكون باب السما مفتوح
شحتة : طب هشوفك النهاردة ؟؟؟
سوكا : لا اسلى ورايا مهمة كده مكلفنى بيها الكاءد ،، بقول لك ايه ......
شحتة : اوومر يا كبير
سوكا : هو الوله مستفى تلع م الحبس
شحتة : اه ،، طلع من يومين الخروف ،،، فى حاجة ؟؟؟
سوكا : اسلى كنت عاوز أشوفه
شحتة : خير يا سوكا تحب نحط عليه كلنا النهاردة ونطلع لك ميتين امه ؟؟؟ ... ما تروحش لوحدك يا سوكا ، لحسن ينفخك
سوكا : ما تبتل رغى ينعل ابو ام اللى جابك ،، انا عاوزه فى حاجة سرية تبع الكاءد
شحتة : يا بن اللعيبة ،،، أكيد عاوز تجنده ،،،، هتلاقيه متلقح فى اى داهية ،،،، يا فى الجامع مستنى صلاة الفجر ،،، يا فى العيادة بتاعته عامل فيها بيعالج الفقرا ،، يا بيدى دروس لمسعد اخويا وأصحابه فى الجامع ،،،،،،،،،،،،،واد ابن وسخة صحيح
سوكا : هو بياخد فلوس من اخوك ؟؟؟ شحتة : (صوت قبيح) ,,اهو ده اللى ناقص
سوكا : ابن وسخة فعلا يا شحتة ، ابن وسخة قوى ،،، عموما انا هروح استناه قدام الجامع ،،، لما أشوف أخرتها ايه مع امه ده راخر سوكا يستقل العربة ويتجه ناحية الجامع وينزل الى الشارع وينتظر مصطفى وبعد دقايق يراه يتقدم من بعيد ، فينتظر حتى يقترب منه سوكا : ازيك يا مستفى
مصطفى : ازيك يا سيد ؟؟؟ عامل ايه ؟؟؟
سوكا : سيد مين يا عم انت اتعميت ؟؟؟ والا لسه زعلان من اللى عملناه معاك ساعة ما سلمناك للبوليس
مصطفى : يا بنى لا كده ولا كده ،،،، هو انت مش اسمك سيد ؟؟؟
سوكا : ياض سيد مين ياله ؟؟؟ انا سوكا ،،،، اناااااا ،،،انت بتقول سيد ؟؟؟
مصطفى : انت يا عم ناسى انك كنت قاعد جانبى ، سيد السيد نخفيرة ،،،،
سوكا متذكرا : ايه داااااااا ؟؟؟ يااااااااااااه ،،،،،، اه سح سح افتكرت ،،،،انا افتكرت دلوقتى ، واحنا فى أولى ثانوى لما كنا فى حسة الحساب وجه .....
مصطفى مقاطعا : سوكا انت طلعت من أولى ابتداءي
سوكا : يبقى أولى ابتدائي بقى سح ،،،،، مش أولى ثانوى ،،، هو انا مش فاكر يا مستفى ،،، هو انا أسلا أسلا اسمى سوكا والا سيد ؟؟؟
مصطفى : لا طبعا سيد
سوكا : اخس ،،، ده ايه الحز ده ؟؟؟ ده سيد ده إسم بلدى قوى
مصطفى : لا سوكا هو اسم واحد من الاسرة المالكة
سوكا : يعنى ايه ؟؟؟ معقول شايف ان سيد أحسن ؟؟؟ تب ازاى ؟؟؟؟
مصطفى : سيد ده يا سوكا اسم العظماء ،، سيد النقشبندى ، وسيد درويش ،،، وسيد البدوى ، ده اسم يعنى السيادة ،،،، يعنى السمو ،،، يعنى ان ترنو الى السوءددا
سوكا يترك مصطفى فى غضب : أمشى ينعل ابو امك ،، ده انت واد نفخ ، ده انا ابن وسخة اللى جيت اتكلم معاك أسلا ،،سوءددا ايه يا بن المره ؟؟
مصطفى : يا بنى دى مش شتيمة
سوكا : ما انا عارف يا عم انها مش زفت ،، يا ريتها كانت شتيمة ،،، سدقنى يا عمنا انا أسف ،،، ما ينفعش ،،،،،،،،، ما ينفعش
الى اللقاء فى الحلقات القادمة
خالد السرتي
ليست هناك تعليقات :
إرسال تعليق