الحلقة (57) من يوميات سوكا فى بلاط صفيحة الزبالة

 سوكا يجلس مع امه على سور مجرى العيون ....

سوكا : كنت عاوز أفهمك حاجة يا امه من أولها ،، بس ورحمة أبوك ما تزعلى

ام سوكا : بلاى اون سوكا ،،،،دونت از وورى

سوكا : بسراحة يا امه لو سمعت منك كلمه خواجاتى ، هتلع ميتين امك وأتف ف وشك ، وازقك فى المية ، وامشى

ام سوكا : هحاول يا سوكا ،، هحاول ولو انه صعب

سوكا :بسراحة كده ... انا يا امه مش قادر اكمل فى الشغلانة دى ،،، انا حاسس انى ابن مره وسخة ،،، أسف يا امه ما اقسدش خالص انك كده ،،، انا اللى ابن وسخة

ام سوكا : مفهوم يا سوكا ،،، انت ف حد ذات نفسيتك ابن وسخة

سوكا : عليكى نور يا امه ،،، خلاص مش تايق نفسى

ام سوكا : يا بنى انت بتستعبط ،، انت هتضيع مستقبلك اللى انا وأبوك ضيعنا عمرنا عشان نبنيه ،، عشان نفتخر بيك يا سوكا ، انكيريدابل ،انكيريدابل ،،، أسفة يا بنى طلعت غصب عنى

سوكا : ضيعت عمركم ايه بس يا امه انت هتسيعى ؟؟؟ يا امه انا من كام شهر كنتوا طاردينى م البيت ، وأحسن شغلانة اشتغلتها ساعتها كانت نادورجى ،،، وانت نفسك يا امه بدل ما تستغلى اللغة بتاعتك وتشتغلى ف بنك ولا حاجة كنت شغالة دلالة وبتسرقى تموين الجيران ،، وأبويا كان عنده ٦٠ سنة ولسه شغال تباع على ميكروباز ، فين ام المستكبل المشرك اللى بتتكلمى عليه ؟؟

ام سوكا : تقوم يا بن الموكوسة تسيب الشغل وترجع للشقا ده تانى ؟؟

سوكا : لا يا امه ،،، خدينى معاكى فى شغلك ،، ان شالله حتى بودى كارد ، أشيلك الشنته ،، وأتعلم منك حبة حبة ،،، انت مش شوية برده دلوقتى يا امه

ام سوكا : ما ينفعش يا سوكا ،،، بيزنيس أر بيزنيس ،، انت ما تنفعش

سوكا : يا امه لو ع الإنجليزى أتعلم ،، ده انا بس أمشى جنبك أسبوعين أبقى أحسن من اوباما نفسه

ام سوكا : يا بنى المشكلة مش فى انك تتعلم إنجليزي ،،، يعنى احنا اتولدنا بنتكلم إنجليزي كده ،،،؟؟؟؟؟ والا تعبنا وشقينا لحد ما بقينا كده ؟؟

سوكا :: أمال المشكلة ايه يا ام سوكا ؟؟؟

ام سوكا : مشكلتك يا بنى فى النطق ،،،الاكسنت بتاعتك وحشة قوى يا سوكا

سوكا : يا امه انا عمال احترمك ،، ما تبقيش مرة قليلة الأدب

ام سوكا : يا بنى افهم ... الاكسنت دى مش شتيمة

سوكا : أمال وظيفة ؟؟ ... أكيد شتيمة

ام سوكا : يووووووووه ،، مش وقته خالص تدخلنا فى مواضيع انترسيكشن زى دى دلوقتى ،، انت عاوز تسيب منصبك ليه يا سوكا ؟؟؟

سوكا : يا امه انا تول عمرى عايش على انى رجل وسخ ، ومعاشر ناس وسخة ،،مش انتى وأبويا بس ،،، لا اسحابى كمان ،،، وع الغرزة ... وأيام التوك توك ،،، وفاكر يعنى ان ده العادى ،،،، لما انا يا امه اللى عايش ع البرشام من سن ٨سنين ،،، و اللى ابويا كان بيروح يسرق الجزم م الجامع ويعمل بيسلى ،،، واللى امى مرة بنت وسخة زيك بشهادة كل المعارف والاصدكاء المكربون ،،،،،لا مؤاخذة يا امه ما تزعليش ،،انا ما اقسدش حاجة وحشة

ام سوكا : عيب يا بنى أزعل ليه ؟؟؟؟انت بتشرح الموقف انتروداكشن يعنى ،،،،بس كمل

سوكا : قسدى يعنى لما انا اترعرع وسط هذا الجو المفشوخ بالوساخة ،،،،،،واجى دلوقتى احس انى اندف حاجة فى التابونة اللى دايره دى وبتحكم البلد ،،، يبقى الناس اللى ماسكينا دلوقتى اوسخ من شراميت عم شرابى اللى بيتاخدوا بعشرة جنيه

ام سوكا : يا بنى بقوا بعشرين وتلاتين جنيه دلوقتى ،،، كل حاجة غليت

سوكا : ايه الخرا ده يا امه ؟،، ايه الفسلان ده ؟؟ هو ده اللى شدك فى الكلام كله ؟؟؟؟

ام سوكا : ما انا يا بنى مش فاهمة سر القلبة الاكسفاكتورز دى على الناس المحترمة دى !!!

سوكا : تب انا هقول لك على حاجة ،،،،، عارفة الرجل اوباما اللى انت ماسكاه شرشحة وتلتيش تول النهار ،،،، عشان ضد الكاءد ؟؟؟

ام سوكا : عارفاه طبعا ،،، ماله ؟؟؟ هو مش هيرتجع غير لما اديله رسالتين كمان عشان..... سوكا

مقاطعا : بس اسكتى يا امه ،،، ده تلع أسلا متجوز الكاءد ،،، ولا مؤاخذة مش واخده كده مرة ف الخرابة ،،، لا ده جابه كتير ،،،، ام سوكا :ازاى يا بنى تفكر كده ؟؟؟ والقاءد برضه مقامه خرابه يا سوكا ؟؟؟؟؟

سوكا : ده دلوقتى ،،، لكن زمان يا امه كان شكلها خرابة ،،، المهم يا امه حتى ماسر اللى كانوا مفهمينك ان امريكا منفسنة منها ،،، تلعت متجوزة امريكا من ورانا ف السر ،،،، عشان امريكا مستعره مننا

ام سوكا : انت جبت التخريف ده منين ؟؟؟

سوكا : من وزير الخارجية نفسه ، متسجل له سوت وسورة

ام سوكا : مش يمكن يا بنى يكون انتر شوب ؟؟؟؟؟

سوكا : لا يا امه ده كلام بحقيقى ،،، ولو الرجل عاش بعد ما عنتر يسيبه هخليكى تسمعيه بنفسك

ام سوكا : عنتر مين يا بنى ؟؟؟

سوكا : ما ناخدش فى بالك يا امه ،،، دى كصه مؤلمة

ام سوكا بعد لحظات صمت : طب وافرض ،،، وايه يعنى ؟؟؟

سوكا : يعنى امريكا ما كُنْتش متفقه مع الرجل مرسى بقى ولا حاجة ؟؟؟

ام سوكا بعد لحظات صمت اخرى : وافرض ، واحنا مالنا ؟؟

سوكا : ما لنا ازاى ؟؟؟ أمال احنا كنا بنتلع نشتم الجدع اللى اسمه مرسى ده ليه ؟؟؟؟ مش عشان كان عاوز يبيع سينا لإسرائيل ، ب اس من امريكا ؟؟؟؟

ام سوكا : لا يا سوكا ،،، احنا كنا بنشتمه عشان بناخد فلوس

سوكا : يعنى انت كنت عارفه انه مزلوم ؟؟؟؟

ام سوكا : ولا عمرى اهتميت انى اعرف،،، وانا مالى ،،، انا بروفيسنال

سوكا : شر$#%ته يعنى يا امه ؟؟؟؟

ام سوكا : قطع لسانك

سوكا : مش بتقولى تاخدى فلوس وتعملى اى حاجة تتلب منك ؟؟؟

ام سوكا : لا يا عويل ،، اقصد انى شغالة زيك كده فى المكنة اللى دلوقتى بتحكم البلد ،،،، احنا يا وله شغالين فى الدايره اللى بتحكم مصر ،،، فى البلاط الملكى نفسه ،،، انتر تن مينيت

سوكا ينظر بخيبة أمل : يا امه بعد كلامك ده انا بقيت متأكد ،،احنا مش شغالين فى البلات والسيراميك اللى بتقولى عليه ده ،،،،،، احنا شغالين فى سفيحة الزبالة 

الى اللقاء فى الحلقات القادمة

خالد السرتى