الحلقة (60) من يوميات سوكا فى بلاط صفيحة الزبالة

مصطفى يمشى وراء سوكا الذى يبدو متأثرا براى مصطفى فيه

مصطفى : أوعى تزعل يا سوكا ،، انت بس كنت محلفنى ،،، اكيد فيك حاجات كتير كويسة

سوكا : زى ايه يا مستفى ؟؟ انت هتسيع ؟؟

مصطفى :زى ى ى ى ى ،،، اي ى ى يه ،،،،،،،،،،،مش عارف يا سوكا بصراحة ،،، بس انت اكيد يعنى مش وحش قوى ، اكيد برضه يا سوكا انت بتعمل حاجات خير كتير ،،، وما حدش يعرفها غيرك سوكا : تبعا يا مستفى ،،، انت فاكر يعنى انك الوحيد اللى بيعمل حاجات كويسة ؟؟؟ انا ياما بعمل خير ، بس زى ما تقول كده ،، مش بحب اتكلم عنه

مصطفى : غلط يا سوكا ،،،،، لازم تفكر نفسك انك مش وحش قوى ،، مفيش واحد كل أعماله وحشة ،،، حاول تفتكر حاجات كويسة تكون بتعملها ،، وعاوزين نزودها

سوكا : عارف يا مستفى انا مثلا عمرى ما نسيت اسحابى لما بيبقى معايا حشيش ،،، دايما اجيبهم وياخدوا قعدتهم حتى لو ما عاهومش فلوس

مصطفى : بتعزم يعنى أصحابك على الحشيش يا سوكا ؟؟؟

سوكا : تب والنعمة زى ما بقول لك كده ،،،حتى اسأل الوله شحتة

مصطفى : هو الجدعنة مع الأصحاب طبعا حلوة ،،، بس مش فى الحشيش

سوكا : تب هقول لك حاجة تانية ،،، عارف لما بروح ابات عند البت انشراح ،،، عمرى ما دخلت عليها ايدى فادية ،،، لازم عشا محترم ،،، عمرها ما بتحت أيدها ف جيبها ،، حتى البيرة انا اللى بجيبها

مصطفى : سوكا ،، هو انت لما بتروح تبات عند انشراح ،،، متخيل ممكن تكون بتعمل اى حاجة خير هناك ،، ؟؟؟

سوكا : اهو رزالة امك دى هى اللى مكرهانا فى الدين

مصطفى : طب ما تكرهه ،، والا تكفر حتى ،انت هتخوفنى ؟؟؟، انا مالى انا ، ان شالله حتى تولع فى نار جهنم

سوكا مندهشا : ايه يا عم مستفى ده ؟؟ اول مرة أشوفك كده

مصطفى : ما انا برضه اول مرة كنت أشوفكم كده ،،، بص يا سوكا ...انا مش فاهم انت عاوز ايه بالظبط ، وانا مش فاضيلك ،، وما عنتش بتحمل زى زمان .... و

سوكا مقاطعا : ما انا مش عارف أفهمك بسراحة انا عاوز ايه ،،، عشان انا نفسى والله ما انا فاهم حاجة

مصطفى : طب انا مطلوب منى ايه ؟؟؟

سوكا : اسبر عليا شوية يا عم ،، انا مش تايق كلام امك ،،، بس كل ما تيجى تمشى أخاف تسيبنى

مصطفى : ده ليه بقى ان شاء الله

سوكا : وكتاب الله ما انا عارف ،،،،،،،، انا بسراحة شاكك انى ممكن أكون ماشى فى تريق بتال

مصطفى : فى اندهاش (لفظ قبيح) ،، هو انت لسه خايف لتكون ماشى فى طريق بطال ؟؟؟ هو انت جاى النهاردة تركبنى سيئات ؟؟ استغفر الله العظيم

سوكا : انت لسانك عمره ما نتق الألفاظ بنت الشرمو@#ة دى ، مالك يا مستفى ؟؟

مصطفى : انا مش عارف يا سوكا فعلا انا حاسس انى بقيت وحش قوى

سوكا : يا عم ما تفكرش فى الأفكار بنت الاحبة دى ،،، اكيد انت بتعمل حاجات كتير كويسة ،، عاوزين نفتكرها عشان نزودها ،،، مفيش إنسان ابن وثخة كده على تول

مصطفى : انا مش عارف ايه اللى جرالى ؟؟؟ انا بقالى يومين من ساعة ما خرجت م الحبس ما بشرحش للأولاد الدروس زى الاول ،،، وامبارح كان يوم العلاج المجانى للفقرا رحت متأخر ومشيت بدرى

سوكا : اه يعنى ما تلعتش فلوس حلوة ؟؟؟

مصطفى : هو انت فعلا حمار كده يا سوكا ؟؟؟ بقول لك مجانى ، يعنى من غير فلوس

سوكا : اااااه ،،،سح ،،، هو انت كده زعلان من نفسك قوى ؟؟؟

مصطفى : يا عم انا عندى بلاوى متلتلة بعملها ،، أوعى تفتكر انى ملاك ،،، بس الحاجات دى هى اللى بتخفف عنى يا سوكا

سوكا : انت برده ،، أوعى تفتكر ان انا ملاك يا مستفى

مصطفى : سوكا انت كده فطرتنى فعلا ،، وعطلتنى عن شغلى ،،، ولسه مش فاهم انت عاوز ايه

سوكا : هجيبهالك م الاخر ،،، مستفى هو انت إرهابي ؟؟؟

الى اللقاء فى الحلقات القادمة

خالد السرتي