الببلاوى يشعر بغضب شديد بعد ان قام بتنقيط انشراح ،،،، وعدلى منصور يصفق لها فى سعادة
الببلاوى : انت يا لوح انت ،،، انت يا طرطور ،، عاجبك اللى احنا فيه ده ؟؟؟؟
عدلى : لا والله طبعا ،،، ازاى مفيش أكل ؟؟؟ ده انا ميت م الجوع
الببلاوى : طب يا بنى آدم أتصرف بقى ، واعمل حاجة ،،،،، وقف المهزلة دى ،،، انا اتهزقت فى ربع ساعة قد اللى اتهزاته اخر تلاتين سنة
عدلى : خلاص يا ببله ،،، انا هتصرف ,,, عدلى يتجه الى سوكا ،،، والببلاوى يترقب من بعيد
عدلى : بقول لك ايه يا سوكا ،،،، هو بعد الرقصة دى .... مفيش فقرات تانية
سوكا : مش فاهم ياريس فكرات تانية ازاى يعنى ؟؟؟
عدلى : انا تخيلت والله انك هتجيب لنا الساحر ،، أصلى بحبه قوى
سوكا محتدا : ماشى هبعت أجيب لك الساحر عشان ييجى يطلع الأرنب من ت#@$ك ،،،
عدلى بحركة لا إرادية يضع يديه على مؤخرته ويعود سريعا ، والببلاوى ينتظره فى قلق
الببلاوى : ايه يا عدلى ؟؟؟ هيحصل ايه دلوقتى ؟؟؟
عدلى مفزوعا : لا طبعا ،،، مش هنجيب الساحر
ببلاوى بدهشة : ساحر ايه ؟؟؟ هو انا قلت لك أنى عاوز ساحر ؟؟؟
عدلى : طيب ،،،،،، ما انا بقول لك مش هنجيب ساحر
ببلاوى : طب يا لطخ هنمشى امتى ؟؟؟ انا مش قادر استحمل خلاص
سوكا يقترب منهما بعد انتهاء الرقصة : يالا يا عم عدلى نلبسه ام الوشاح عشان نخلس ،،،،
ببلاوى : ما تتعبش نفسك يا سوكا بيه ،، انا خلاص مش عاوز وشاح
سوكا : يا عم هو بمزاجك وإلا مزاجى ؟؟؟ سيادة العرس بنفسه هو اللى امر بكده
عدلى يخرج صندوقا فخما ، ويخرج منه وشاحا جمهوريا اخضر اللون مطرز بالأحجار الكريمة
ببلاوى : يا سلام يا عدلى ، اليوم باينه هيختم كويس ،، انا حاسس أنى .....
سوكا مقاطعا : ايه ده يا ريس ؟؟؟ ايه البتاع ده ؟؟؟
عدلى : ماهو ده الوشاح اللى القائد امر بيه
سوكا : هى الفصوص اللى عليه دى أسلى ؟؟
عدلى : طبعا يا سوكا ده يساويله شىء وشويات
ببلاوى هامسا لعدلى : ما تسكت يا أهبل انت
عدلى : ولسه بقى يا سوكا لما الدكتور الببلاوى يلبسه
سوكا بصوت منخفض : ماهو شكله هيلبسه فعلا ،،،،، ثم بصوت اعلى : هات البتاع ده يا ريس ،،، ده ما ينفعش
الببلاوى منفجرا للمرة الاولى فى وجه سوكا : فى ايييييييييه ؟؟؟؟ انت فاكر نفسك ايه ؟؟؟؟ الوشاح ده بتاعى انا ،،، مش هتاخده يا سوكا ،،،، مش هتاخده يا سوكا ، وحياة امى ما هتاخده يا سوكا ، ورينى بقى هتقول للقائد ايه لما يعرف أنى ما خدتش الوشاح سكت الحضور جميعا ، وساد الصمت بعد سماع كلمات الببلاوى
سوكا بمنتهى الهدوء : مفيش حاجة يا بهوات ،، ده الدكتور بس متاخد م الموكف Haf fun ,,, haf fun
شحتة : يابن الصايعة يا سوكا ،، والله وبقيت تتكلم فرنصاوى
سوكا ؛ وله يا شحتة ،،، خد مفتاح العربية هتلاقى طقم فالنات خضرا ع الكنبة اللى ورا ،، مطرح ما عدلى بيقعد ،، هات لى أنضف فالنة فيهم ،،، واحدة تكون بورقتها ، ومقص ،،( ثم ينظر الى الأحجار الكريمة على الوشاح) وشوية ترتر من فستان البت انشراح وهو احنا عندنا أغلى من الدكتور الببلاوى ؟؟؟
الى اللقاء فى الحلقات القادمة
خالد السرتيِ
ليست هناك تعليقات :
إرسال تعليق